Arbatel em Latim.pdf

(234 KB) Pobierz
E.I.E. Caminhos da Tradição
ARBATEL
De Magia Veterum
Summum Sapientiae Studium.
In omnibus consule Dominum, et nihil cogitas, dicas, facias, quod tibi
Deus non consuluerit.
BASILEÆ,
1575.
http://www.cursosdemagia.com.br
1
E.I.E. Caminhos da Tradição
Arbatel
DE MAGIA
seu
PNEVMATICA
VETERVM TVM MA-
gorum populi DEI, tum Mago-
rum Ge, pro illustratio-
ne gloriæ & Philan-
tropias DEI.
Nunc primùm ex tenebris in lucem producta, contra Cacomagos & contemptores
donorum Dei, ad vtilitatem & delectationem omnium, qui verè & piè delectantur DEI
Creaturis: & illis cum gratiarum actione vtuntur ad bonorum Dei, & vtilitatem sui &
proximi.
http://www.cursosdemagia.com.br
2
E.I.E. Caminhos da Tradição
Et habet Tomos nouem Aphorismorum septies septenorum.
PRIMVS dicitur ISAGOGE, seu Institutionum liber Magiæ, seu
quòd quadraginta nouem Aphorismis generalissima totius
artis præcepta complectatur
SECVNDVS est MICROCOSMA MAGIA: quid Microcosmus per suum Spiritum
& sibi à natiuitate addictos genios Magicè, hoc est sapientia spirituali effecerit, &
quomodo.
TERTIVS est OLYMPICA MAGIA, quomodo per Spiritus Olympi agat & patiatur
homo.
QVARTVS est MAGIA HESIODICA & HOMERICA, quæ docet operationes per
Spiritus dictos Calodæmones tanquam non hostiles humano generi.
QVINTVS est ROMANA seu SYBILLINA MAGIA, quæ cum tutelaribus
spiritibus & dominis, quibus distributus est terrarum orbis, agit & operatur. Hæc est
VALDE INSIGNIS MAGIA. Huc & DRVIDVM doctrina refertur.
SEXTA est PYTAGORICA MAGIA, quæ tantum agit cum Spiritibus, quibus data
est artium doctrina, Physica, Medicina, Mathematica, Alchimia, & vicinæ artes.
SEPTIMA est APOLLONII & similium MAGIA, complicata cum Romana &
Microcosmica. Habet tamen hoc peculiare, quòd potestatem habet super Spiritus hostiles
humani generis.
OCTAVA est HERMETICA, hæ est ÆGYPTIACA, & non multum ab est à Diuina
Magia. Hæc producit Deos, qui in templis habitant omnis generis.
NONA SAPIENTIA est illa, quæ ex solo verbo DEI dependet, & dicitur
PROPHETICA
http://www.cursosdemagia.com.br
3
E.I.E. Caminhos da Tradição
n Nomine Creatoris visibilium et inuisibilium, qui inuocantibus de
thesauris suis reuelat mysteria, & secreta sua, et paternè ac
clementer ea largitur nobis sine mensura. Is det nobis per
vnigenitum filium suum Dominum nostrum IESVM CHRISTVM
ministros suos Spiritus secretorum reuelatores, vt librum
ARBATEL conscribamus. de maximis secretis, quæ fas est
hominem scire, illisque sine Dei offensa vti. Amen.
APHORISMORVM SEPTENA
prima.
APHORISMVS I.
Qui vult secreta scire, secreta secretè sciat custodire, & reuelanda reuelet:
sigillanda sigillet: & sacrum non det canibus, nec margaritas proyciat ante porcos.
Hanc legem obserua, & aperientur tibi oculi mentis ad intelligenda secreta, & audies
tibi diuinitùs reuelari quicquid animus tuus desiderauit. Habebis etiam prompta
Angelorum Dei, & spirituum in natura ministeria obsequentiora, quàm vllus animus
humanus desiderare possit.
APHORISMVS II.
In omnibus inuoca nomen Domini, & sine inuocatione DEI per vnigenitum
filium nihil suscipias ad cogitandum vel faciendum. Utere autem Spiritibus tibi datis
ac attributis tanquam ministris, sine temeritate & præsumptione, cum debita
reuerentia erga Spirituum dominum, tanquam legatis Dei: & quod reliquum est vitæ,
pacificè perages ad Dei honorem, & tuam ac proximi utilitatem.
APHORISMVS III.
Viue tibi & Musis, multitudinis amicitias vita: Temporis sis auarus: omnibus
beneficus: utere donis tuis: vocationi inuigila: Verbum Dei nunquam recedat ab ore
tuo.
APHORISMVS IIII.
Obtempera bene monentibus: Fuge Procrastinationem omnem: ad constantiam
& grauitatem in dictis & factis tuis te assuefac: Tentationibus tentatoris resiste per
verbum Dei: Fuge mundana, cœlestia quære: Non innitaris prudentiæ tuæ, sed in
http://www.cursosdemagia.com.br
4
E.I.E. Caminhos da Tradição
omnibus ad Deum respice, secundum Scripturæ sententiam. Cùm nescimus quid
faciamus, ad te Deus eleuamus oculos nostros, & à te expectamus auxilium. Ubi
enim humana nos destituunt prædsidia, ibi Dei affulget auxilium. Secundum
Philonis dictum.
APHORISMVS V.
Diligas [sic diliges] Dominum Deum tuum ex toto corde tuo, ex omnibus
viribus tuis, & proximum sicut te ipsum, & Dominus te custodiet tanquam pupillam
oculi sui, & ab omni malo liberabit, ac te replebit omni suo bono, nihilque
desiderabit anima tua, cuius non compos sis futurus, modò tibi ad salutem corporis
& animi contulerit.
APHORISMVS VI.
Quicquid didiceris, frequenter repete, & menti tuæ infige, & multum discas
non multa: quia animus humanus non potest omnibus par esse, nisi diuinitus quis
regeneratus sit. Huic nihil est tam arduum, aut tam multiplex cui par esse non possit.
APHORISMVS VII.
Inuoca me in die tribulationis, & exaudiam te, et honorificabis me, dicit
Dominus. Omnis autem ignoratia est tribulatio animi. Inuoca ergo in ignorantia tua
Dominum, & exaudiet te: & memento, ut honorem tribuas Deo, ac dicas cum
Psalmista: Non nobis Domine non nobis, sed nomini tuo da gloriam.
SEPTENA
Secunda.
APHORISMVS VIII.
Sicut Scriptura te testatur, quòd Deus imponit nomina rebus aut personis, &
simul cum illis etiam ibidem vires & officia quædam distribuit de thesauris suis: ita
characteres & nomina constellata non habent vires ratione figuræ vel
pronunciationis, sed ratione virtutis seu officii, quæ Deus vel natura ad tale nomen
vel characterem ordinauit. Nulla enim est virtus vel in cœlo, vel in terra, vel in
http://www.cursosdemagia.com.br
5

Plik z chomika:

Inne pliki z tego folderu:

Inne foldery tego chomika:

Zgłoś jeśli naruszono regulamin